Ямагата сургууль нь 1949 онд байгуулагдсан ба 4 оюутны хотхон, 6 факультет, 6 ахисан түвшний сургуультай. Дотоодын болон олон улсад тулгамдаж буй асуудлыг шийдвэрлэх, шинэ технологийг бий болгох боловсон хүчнийг хөгжүүлж буй зүүн японы шилдэг их сургуулиудын нэг юм. Төрөл бүрийн сургалтуудыг санал болгож суралцагчийн хэрэгцээ сонирхолд нийцсэн өндөр чанартай орчин бүрдүүлэхийг эрмэлздэг. Ямагата, Йонэзава, Цүрүока гэсэн 3 хотод 4 оюутны хотхонтой бөгөөд бүгд тус бүрийн онцлог шинж чанарыг агуулсан боловсролын хөтөлбөр, судалгааны төслүүдийг санал болгодог.

Нагоя их сургууль нь 1939 онд Японы эзэн хааны их сургуулиудын хамгийн сүүлийнх нь болж байгуулагдсан ба 1949 оноос хойш Нагоягийн их сургууль гэж нэрлэгдэх болсон. Тус сургууль нь дэлхийн хэмжээнд өрсөлдөх чадвартай бизнес эрхлэгчдийг бэлтгэдэг бөгөөд бизнесийн боловсролын дэлхийн стандартыг харуулсан олон улсын гурван магадлан итгэмжлэлийг эзэмшсэн японы цорын ганц их сургууль юм. Мөн 9 бакалаврын сургууль, 13 ахисан түвшний сургууль, 35 судалгааны төвтэй. 2023 оны байдлаар бакалаврын түвшинд 9600 гаруй, магистр, докторын түвшинд 6400 гаруй, нийт 16000 гаруй оюутан суралцаж байгаагаас 2600 орчмыг нь гадаад оюутан эзэлж байна. Ихэнх хөтөлбөрүүд япон хэл дээр явагддаг хэдий ч англи хэл дээр суралцах боломжтой GB30 хөтөлбөртэй. Мөн дэлхийн боловсролын шилдэг их сургуулиудтай оюутан солилцоо болон хос хавсарга хөтөлбөртэй учир зөвхөн японд төдийгүй дэлхийн хэмжээний сургуулиудад суралцах боломжийг олгодог их сургууль юм.

Олон улсын бизнесийн хөтөлбөр (GBC) нь 2019 онд Хёого мужийн их сургуулийн эдийн засаг, менежментийн сургуульд анх эхэлсэн бөгөөд зөвхөн англи хэлээр хичээл ордог анхны хөтөлбөр юм. GBC хөтөлбөрийн зорилго нь Японы болон олон улсын бизнесийн талаар суралцаж, сурсан мэдлэгээрээ дамжуулан хүмүүсийн хооронд хана хэрэм биш гүүр барьж чадах мэдлэгтэй боловсон хүчнийг бэлдэхэд оршино. GBC хөтөлбөр нь: ※ Глобал сэтгэлгээтэй, олон улсад хүлээн зөвшөөрөгдөхүйц ажиллах хүчнийг бэлтгэх ※ Эдийн засаг, бизнесийн удирдлагын салбарын мэргэжлийн ур чадварт суралцаж, эдийн засгийн бакалаврын зэрэг авах боломж ※ Дотуур байранд япон болон бусад орны оюутнуудтай хамт амьдарч өөр өөр орны соёлын талаарх ойлголтоо гүнзгийрүүлэх боломж ※ Хёого мужийн амжилттай яваа томоохон компаниудад дадлага хийх боломж, төгсөөд шууд ажиллах ур чадвартай хүний нөөц болох 

Нийгата мужийн их сургууль  нь 2009 онд байгуулагдсан улсын их сургууль бөгөөд нийт 150 багш ажилчид, 1500 гаруй оюутнуудтай. Тус сургууль нь 3 бакалаврын (Олон улсын бүс нутгийн судалгааны факультет, Олон улсын эдийн засгийн факультет, Хүний амьдрал судлалын факультет), 2 магистрын (Олон улсын бүс нутгийн судалгааны салбар, Эрүүл мэнд, шим тэжээл судалгааны салбар) хөтөлбөртэй. ※ Олон улсын бүс нутгийн судалгааны факультет нь олон улсын харилцаа, улс хоорондын соёлын харьцуулалт, орос, хятад, солонгос хэл болон соёл судлалын ангитай. ※ Олон улсын эдийн засгийн факультет нь олон улсын эдийн засаг, бүс нутгийн эдийн засаг, мэдээллийн шинжлэх ухаан, эдийн засгийн (2025 оны 4 сараас хэрэгжиж эхлэх) ангитай. ※ Хүний амьдрал судлалын факультет нь хүүхэд судлал, эрүүл мэнд, шим тэжээл судлалын ангитай. Нийгата мужийн их сургуулийн гол зорилго нь практик мэдлэг, хувь хүний онцлог, хэлний ур чадвар зэргийг хөгжүүлж, олон улсын болон бүс нутгийн хэмжээнд тулгарч буй асуудлуудад хувь нэмрээ оруулах чадвартай дэлхийн хэмжээний чадварлаг боловсон хүчнийг бэлтгэхэд оршиж байна.

Нагоя худалдаа, бизнесийн их сургууль (NUCB) нь 1953 онд байгуулагдсан. Сүүлийн 80 жилийн хугацаанд дэлхийн хэмжээний боловсролын байгууллага гэдгээрээ олонд танигдаж дэлхийн бизнесийн боловсролын стандартыг хангасан сургуулиудад олгодог AASCB, EQUIS, AMBA магадлан итгэмжлэлтэй цорын ганц Японы их сургууль. 59 гаруй улсын 158 орчим сургуулиудтай хамтын ажиллагааны гэрээтэй бөгөөд жил бүр Нишшин оюутны хотхонд Хятад, Солонгос улсаас эхлээд Сингапур, Франц, Америк, Канад, Мексик зэрэг 70 гаруй орноос 300 орчим гадаад оюутнууд тус сургуульд элсэн суралцдаг. Мөн Тайван, Ирланд, Францын их сургуулиудтай 2+2 оюутан солилцооны хөтөлбөрийг хэрэгжүүлэн ажилладаг. Сургуулийн гол зорилго нь Шинэ Ази болон бусад орнуудын хоорондын ялгааг даван гарах даяарчлагдсан сэтгэхүйтэй, өндөр ур чадвар, ёс зүйн өндөр чадамжтай удирдагчдыг бэлтгэх явдал юм.

Токио Олон Улсын Их Сургууль (TIU) нь 1965 онд байгуулагдсан бөгөөд Икэбүкүро, Кавагоэ хотод байрлалтай 2 оуютны хотхонтой, 5 факультеттай үйл ажиллагаа явуулдаг цогц их сургууль юм. Тус сургуульд ойролцоогоор 75 орны 1700 гаруй оюутан суралцаж байна. Токиогийн төв хэсэгт орших орчин үеийн дэвшилтэт технологийг нэвтрүүлсэн Икэбүкүро кампус нь 2023 оны 9 сард ашиглалтад орсон бөгөөд оюутнуудад тав тухтай хичээллэх, амралт, чөлөөт цагаа зөв зохистой өнгөрөөх боломжийг бүрдүүлж өгсөн. Токио олон улсын их сургуулийн E-Track хөтөлбөр нь дараах 3 мэргэжлээр элсэлт авдаг бөгөөд бүх хичээл нь англи хэлээр явагддаг. Нийт оюутнуудын 70 гаруй хувийг гадаад оюутнууд эзэлдэг ба олон улсын оюутнуудын хүрээлэл дунд, дэлхийн жишигт нийцсэн багш нарын удирдлага дор суралцах боломжтой гэдгээрээ онцлогтой. ・“Дижитал бизнес болон Инновац” нь хиймэл оюун ухаан, мэдээлэл технологийг бизнест хэрхэн ашиглах. ・“Бизнес, эдийн засаг” нь сургуулиа төгсөөд бизнесийн ертөнцөд хэрэг болох ур чадварт суралцах. ​​​​​​​・“Олон улсын харилцаа” нь сүүлийн жилүүдэд тулгамдаж буй асуудал болох дэлхийн улс хоорондын мөргөлдөөний үндсэн шалтгааныг олох, хэрхэн байр сууриа илэрхийлэх зэрэг олон улсын тавцанд идэвхтэй байх ур чадварыг эзэмшдэг.

Чиба мужид байрлалтай Чюүо Гакүин их сургууль нь 1966 онд байгуулагдсан хувийн их сургууль юм. Тус сургууль нь 3 үндсэн факультеттай бөгөөд үүнд: • Худалдааны факультет /Бакалавр, Магистр/ • Хуулийн факультет /Бакалавр/ • Орчин үеийн либерал урлагийн факультет /Бакалавр/ Худалдааны факультетад бизнесийн удирдлага, нягтлан бодох бүртгэл, маркетинг, олон улсын харилцааны хөтөлбөрүүд дундаас бизнесийн салбарт тулгарах өөрчлөлт шинэчлэлд хэрхэн зөв шийдвэр гаргах талаар суралцах, Хуулийн факультетад Японы хууль эрх зүй, төрийн удирдлагын чиглэлээр суралцах, Орчин үеийн либерал урлагийн факультетад хүмүүнлэг, нийгмийн шинжлэх ухааны хөтөлбөрүүдээр дамжуулан шүүмжлэлтэй сэтгэлгээ, бүтээлч байдал, өнөөгийн нийгэмд дасан зохицох чадварт суралцах боломжтой. Чюүо Гакүин их сургууль нь “STAND BY YOU” буюу “Чиний талд зогсоно” уриа дор оюутнуудын сурлага, ажил хайх үйл явц, оюутны амьдрал зэрэгт дэмжлэг туслалцаа үзүүлдэг. 

Олон улсын их сургууль нь 1982 онд байгуулагдсан бөгөөд дотроо 2 бүрэлдэхүүн нэгж сургуультай. ※ Олон улсын харилцааны их сургууль ​​​​​​​※ Олон улсын менежментийн их сургууль Тус сургууль нь Нийгата мужийн Минамиүонүма хотод байдаг. Жил болгон 400 орчим шинэ оюутан хүлээн авдаг бөгөөд 67 гаруй орны оюутнууд суралцдаг. 2024 оны байдлаар 15 Монгол оюутан суралцаж байна. Бүх хичээлээ англи хэлээр явуулдаг анхдагч их сургуулиудын нэг бөгөөд одоогийн байдлаар 143 орны 5100 гаруй оюутан (138 Монгол) суралцаж төгссөн. Олон улсын харилцааны их сургууль нь олон улсын тулгамдсан асуудлуудыг шийдвэрлэх тал дээр үндэслэн хэлэлцүүлгүүд явуулдаг бол олон улсын менежментийн их сургууль нь бодит төсөл дээр суралцах, илтгэл зэргээр дамжуулан амьдрал дээр ашиглагдах практик ур чадваруудыг суулгадаг.

Кэйо их сургууль нь Японы хамгийн нэр хүндтэй их сургуулиудын нэгт зүй ёсоор тооцогддог. 1858 онд сурган хүмүүжүүлэгч, философич, зохиолч Юкичи Фүкүзава, ирээдүйн удирдагчдад зориулан Японы боловсролыг шинэчлэх нь нэн чухал гэж үзсэн учир Кэйо их сургуулийг байгуулж байсан түүхтэй. 6 том оюутны хотхон, 10 бакалаврын хөтөлбөр, 14 магистр, докторын хөтөлбөр, 33,400 гаруй оюутнууд, 390,000 гаруй төгсөгчидтэй Кэйо их сургууль нь хүмүүнлэг, нийгмийн ухааны чиглэлийн судалгаанууд болон ахисан түвшний эрүүл мэндийн туслалцаа үзүүлдэг эмнэлэгтэйгээрээ алдартай. Мөн олон олон төгсөгчид нь төрөл бүрийн салбарт амжилт олсоор ирсэн бөгөөд тухайлбал ерөнхий сайдууд, эрдэмтэд, тамирчид, хөгжмийн зохиолчид, эмч зэрэг олон алдартай хүмүүс тус сургуулиас төрөн гарчээ. 2024 оны байдлаар Кэйо их сургуульд 85 гаруй орноос ирсэн 2000 орчим гадаад оюутнууд суралцаж байна. 23 гаруй хөтөлбөр, 940 гаруй хичээлийг англи хэлээр судлах боломжийг олгодгоороо онцлогтой. 2023 онд QS-ын гаргасан дэлхийн их дээд сургуулиудын жагсаалтаар дэлхийд 197, Японд 9, Японы хувийн их сургуулиудаас 1-р байранд тус тус жагсжээ.

Киото дэвшилтэт шинжлэх ухааны их сургууль (Kyoto University of Advanced Science, KUAS) нь 1969 онд Киото хотод байгуулагдсан. 2020 онд инженерийн салбар сургуулиа байгуулж оюутнуудад орчин үеийн дэвшилтэт технологийн талаар суралцах боломжийг олгосоор ирсэн бөгөөд 2025 оны 9-р сараас биоэкологийн шинжлэх ухааны салбар сургууль, эдийн засаг, бизнесийн удирдлагын салбар сургуульд англи хэлний хөтөлбөрүүд хэрэгжиж эхэлнэ. Эдгээр гурван хөтөлбөр нь оюутнуудад өөрчлөлт, шинэчлэлтийг эрэлхийлсэн манлайлагч болж өсөхөд тусалж, даяаршиж буй нийгэмд тулгарч буй сорилтуудыг даван туулахад нь туслах мэргэжлийн болон практик боловсрол олгох болно.

Киото дэвшилтэт шинжлэх ухааны их сургууль (Kyoto University of Advanced Science, KUAS) нь 1969 онд Киото хотод байгуулагдаж 5 факультет 11 тэнхимтэй цогц сургууль. 2020 онд бүх хичээл англи хэлээр явагдах инженерийн салбар сургууль шинээр байгуулагдаж, оюутнууддаа мэргэжлийн болон практик сургалтын хөтөлбөрөөр дамжуулан орчин үеийн дэвшилтэт технологийн талаар суралцах боломжийг олгосон. Одоогоор энэхүү хөтөлбөрийн тал гаруй хувийг гадаад оюутнууд эзэлж байна. 2025 оны 9-р сард биоэкологийн факультет, эдийн засаг, бизнесийн удирдлагын факультетад англи хэлний хөтөлбөрүүд хэрэгжиж эхэлнэ. Өдөр өдрөөр өөрчлөгдөн, шинэчлэгдэж буй нийгэмд өөрийн гэсэн үзэл бодолдоо үнэнч, мөн аливааг олон талаас нь харж чаддаг, даяаршиж буй нийгэмд өөрийн гэсэн байр сууриа олж чадахуйц ажиллах хүчнийг бэлтгэдгээрээ онцлогтой.

Рицүмэикан Ази Номхон далайн их сургууль (APU) нь 2000 онд байгуулагдсан цагаасаа хойш, “Дэлхийн энх тайван, амар амгалан, хүн чанар”, “Олон улс хоорондын хамтын ойлголцол”, "Дэлхийн иргэн"-ийг бэлтгэх уриатайгаар цоо шинэ олон соёл болоод олон хэлийг цогцлоосон орчныг их сургуульдаа бүрдүүлсээр байгаа билээ. Япон дахь олон улсын их сургууль гэдгээрээ алдартай бөгөөд одоогоор 106 орны 2800 гаруй гадаад оюутнууд суралцаж байна. Тус сургууль нь Олон улсын менежментийн сургууль (APM), Ази Номхон далайн судлалын сургууль (APS), Тогтвортой байдал, аялал жуулчлалын сургууль (ST) гэсэн 3 факультетээс бүрддэг. Олон улсын менежментийн сургууль нь бизнесийн удирдлага, маркетинг, нягтлан бодох бүртгэл, үйл ажиллагааны менежмент гэсэн 4 чиглэлээр үйл ажиллагаа явуулдаг. Ази Номхон Далайн Судлалын сургууль нь хэвлэл мэдээлэл, дэлхийн эдийн засаг, олон улсын харилцаа гэсэн 3 салбартай. Тогтвортой байдал, аялал жуулчлалын сургууль нь хүрээлэн буй орчин судлал, нөөцийн менежмент, олон улсын хөгжил, аялал жуулчлал, аялал жуулчлалын үйл ажиллагаа, зочлох үйлчилгээний үйл ажиллагаа, нийгмийн бизнес эрхлэлт, олон нийтийн хөгжил, өгөгдлийн шинжлэх ухаан, мэдээллийн систем гэсэн 9 чиглэлээр суралцах боломжтой. Дэлхийн өнцөг булан бүрээс ирсэн оюутнууд өөрсдийн соёл, шашин шүтлэг, үзэл бодол зэргээс үл хамааран хамтдаа хөгжиж, амьдарч, дэлхийд тулгараад буй ярвигтай асуудлуудыг шийдвэрлэхээр суралцаж байна. Та бүгд ч гэсэн APU-д нэгдэж, хамтдаа дэлхийг өөрчилцгөөе!

Анагаах ухаан, нийгмийн халамжийн олон улсын их сургууль нь Япон улсад анагаах ухаан, нийгмийн халамжийн салбар дахь бүхий л мэргэжилтнүүдийг бэлддэг анхны иж бүрэн их сургуульбөгөөд 1995 онд Точиги мужийн Отавара хотод сургуулийнхаа нээлтийг хийсэн. Өнөөдөр тус хотоос гадна Чиба мужийн Нарита хот, Токио хотын Минато дүүрэг, Канагава мужийн Одавара хот, Фүкүока мужийн Окава хотууд дахь сургуулиудад маань 10,000 орчим оюутнууд суралцаж байна.Түүнчлэн манай групп нь нийт 20 нэгдсэн эмнэлэг, асрахуйн байгууллага, бусад эрүүл мэндийн байгууллагуудтай тул дадлага хийх орчин бүрдсэн ба төгсөгчдөө ажлын байраар хангах боломжтой. 2023 оны хичээлийн жилд манай сургуулиудад Азиас 194 оюутан, тэр дунд Монголоос 20 оюутан бакалавр, магистр, докторт суралцаж байна.Тэтгэлгийн олон хөтөлбөр хэрэгжүүлдэг бөгөөд хувийн зардлаар сурч буй гадаад оюутнууд сургалтын зардлаа 50 хувь хөнгөлүүлэх боломжтой. Түүнчлэн 2023 онд Монгол Улсын Боловсрол, шинжлэх ухааны яамтай 3 жилийн хугацаанд жил бүр 5-10 монгол оюутнуудыг 100 хувийн тэтгэлэгт хамруулан суралцуулахаар тохиролцож харилцан ойлголцлын санамж бичиг байгуулсан.

Токиогийн их сургуулийн PEAK хөтөлбөр нь 2012 оны 10 сараас хэрэгжиж эхэлсэн. Комаба дахь англи хэл дээрх хөтөлбөр (PEAK) нь дөрвөн жилийн бакалаврын хөтөлбөр бөгөөд "Зүүн Ази дахь Японы олон улсын хөтөлбөр" болон "Байгаль орчны шинжлэх ухааны олон улсын хөтөлбөр" гэсэн хоёр хичээлийг санал болгодог. Аль ч хичээлийг дүүргэсэн оюутнууд либерал урлагийн чиглэлээр бакалаврын зэрэгтэй болно.  PEAK нь Токиогийн их сургуулийн бүрэн англи хэл дээр явагддаг цорын ганц бакалаврын хөтөлбөр юм. Оюутнууд хөтөлбөрт хамрагдахын тулд Япон хэлний хэлний түвшин шаардлагагүй. PEAK-ийн бүх оюутнууд нэг хагас семестр Япон хэлний сургалтад хамрагдах шаардлагатай. PEAK хичээлийн жил 9-р сард эхэлдэг бөгөөд хичээлийн жил нь хоёр улиралд хуваагддаг.

Мүсашино их сургууль нь 2024 онд 100 жилийн ойгоо тэмдэглэх баялаг түүх, уламжлалтай цогц их сургууль юм. Сургалтын хүрээ өргөн бөгөөд та зөвхөн мэргэшлээ гүнзгийрүүлэхээс гадна их сургуулийн орчинд сэтгэл ханамж өндөр суралцах боломжтой. Үүнээс гадна гадаад оюутнуудад зориулсан төрөл бүрийн хөтөлбөрүүд байдаг тул та өөрт тохирсон хөтөлбөрөөр суралцах боломжтой. Урлаг, шинжлэх ухаан, анагаах ухаан, мэдээллийн шинжлэх ухаан зэрэг 13 факультетийн 21 тэнхим, 13 төгсөлтийн сургуульд 16 мэргэжлээр суралцах боломжтой бөгөөд таны хүсэл мөрөөдлийг биелүүлэхэд бүхий л бололцоогоо дайчлан туслах болно.

Кэйо их сургууль нь 1858 онд байгуулагдсан. 6 том хотхон, 10 бакалаврын факультет, 115 гаруй хөтөлбөр, 14 магистр, 33,400 гаруй оюутан, 390,000 гаруй төгсөгчөөс бүрдэнэ. Хүмүүнлэгийн болон нийгмийн шинжлэх ухааны судалгаа, эмнэлгийн дэвшилтэт эмнэлгийн тусламж үйлчилгээ үзүүлдэг. SFC нь Шёнан Фүжисава Кампус гэсэн үгийн товчлол бөгөөд кампус нь Канагава мужид байрладаг. 2022 онд 85 гаруй орноос ойролцоогоор 2000 гаруй олон улсын оюутан элсүүлсэн. 2023 оны QS дэлхийн их сургуулиудын эрэмбээр Кэйо их сургууль нь дэлхийд 197-д, Японд 9-т эрэмбэлэгдэж байгаа ба Японы хувийн их сургуулиуд дундаа 1-т эрэмбэлэгдэж байна. Англи хэл дээр 23 хөтөлбөр, 940 хичээл ордог.

Ямагата их сургууль нь 1878 онд Ямагатагийн энгийн сургуулиар байгуулагдаж, улмаар үндэсний их сургуулийн шинэ тогтолцооны нэг хэсэг болгон үүсгэн байгуулагдсан урт түүх, уламжлалтай байгууллага юм. Тус их сургууль нь 4 кампуст 6 тэнхимтэй, 6 аспирантурын сургуультай  9,200 орчим оюутан, 1,300 их дээд сургуулийн бус түвшний оюутан, 2,300 багш нартай. Японы зүүн хэсгийн хамгийн том үндэсний сургуулиудын нэг юм. Ямагата их сургууль нь дотоодын болон олон улсын хамтын асуудлыг шийдвэрлэх, шинэ технологийг бүтээж чадах хүний нөөцийг бий болгодог. Мөн олон төрлийн сургалтын хөтөлбөрийг оюутнууддаа санал болгож таны сурах хэрэгцээ, сонирхолд нийцсэн чанартай орчныг бүрдүүлэхийг зорьдог. Ямагата хот, Ионезава хот, Цурүока хотын гурван дүүрэгт дөрвөн кампус байдаг ба бүс тус бүрийн онцлогийг харгалзан  хөтөлбөр, судалгааны төслүүдийг санал болгодог билээ.

Олон улсын их сургууль нь Нийгата мужийн Минамиүонүма хотод байдаг. Жил болгон 200 гаруй шинэ оюутнуудыг хүлээн авдаг бөгөөд 50 гаруй орны оюутнууд суралцдаг. Бүх хичээлээ англи хэл дээр явуулдаг анхдагч их сургуулиудын нэг бөгөөд одоогийн байдлаар 143 орны 5100 гаруй оюутан суралцаж төгссөн. Олон улсын харилцааны их сургууль нь олон улсын тулгамдсан асуудлуудыг шийдвэрлэх тал дээр үндэслэн хэлэлцүүлгүүд явуулдаг бол олон улсын менежментийн их сургууль нь бодит төсөл дээр суралцах, илтгэл зэргээр дамжуулан амьдрал дээр ашиглагдах практик ур чадваруудыг суулгадаг.

Осакагийн их сургууль нь 11 бакалаврын, 15 магистр, докторын сургууль, 26 судалгааны төв, 4 номын сан, 2 их сургуулийн эмнэлэгтэй японы хамгийн анхны цогц судалгааны их сургуулиудын нэг юм. Японы боловсролын байгууллагуудын тэргүүлэгч эгнээнд алхдаг бөгөөд англи болон япон хэл дээрх  олон төрлийн хөтөлбөрүүдийг танд санал болгож байна. Осака хотын хойд  хэсэгт орших ба Сүита, Тоёнака, Мино гэсэн 3 хотхонтой. Дэлхийн 100 улсаас цугласан оюутнууд болон судлаачид таныг хүлээж байна.

Тооёо их сургуулийг 1887 онд Энрио Иноүэ үүсгэн байгуулсан. Гол кампус нь Токиогийн Бүнкёо хотод байрладаг бөгөөд Токиогийн эргэн тойронд 5 кампус байдаг. Уран зохиол, эдийн засаг, бизнес, шинжлэх ухаан, инженерчлэл, компьютерийн шинжлэх ухаан зэрэг 13 факультет, 46 тэнхим, 30,000 гаруй оюутантай их сургууль юм. Бакалаврын түвшинд Олон улс судлалын сургуулийн 2 тэнхим (Дэлхийн инновацын тэнхим ба Олон улс болон бүс нутаг судлалын тэнхим) нь англи хэлээр ордог хөтөлбөрүүдтэй бөгөөд оюутнуудад бүх хичээлийг англи хэл дээр дүүргэж, эрдмийн зэрэг авах боломжийг олгодог. Япон хэлийг заавал судлах ёстой бөгөөд 4 жилийн хугацаанд япон хэлний мэдлэгээ эхнээс нь сайжруулах боломжтой.

Рицүмэйкан Ази Номхон далайн их сургууль (APU) нь 2000 онд байгуулагдсан цагаасаа хойш, “Дэлхийн энх тайван, амар амгалан, хүн чанар”, “Олон улс хоорондын хамтын ойлголцол”, "Дэлхийн иргэн"-ийг бэлтгэх уриатайгаар цоо шинэ олон соёл болоод олон хэлийг цогцлоосон орчныг их сургуульдаа бүрдүүлсээр байгаа билээ. Япон дахь олон улсын их сургууль гэдгээрээ алдартай бөгөөд одоогоор 95 орны гадаад оюутнууд суралцаж байна. Тус сургууль нь Олон улсын маркетингийн факультет (Бизнес), Ази Номхон далайн факультет (Нийгмийн шинжлэх ухаан) гэсэн хоёр факультетээс бүрддэг. Хичээл нь япон, англи хэл дээр явагддаг. Дэлхийн өнцөг булан бүрээс ирсэн оюутнууд өөрсдийн соёл, шашин шүтлэг, үзэл бодол зэргээс үл хамааран хамтдаа хөгжиж, амьдарч, дэлхийд тулгараад буй ярвигтай асуудлуудыг шийдвэрлэхээр суралцаж байна. Та бүгд ч гэсэн APU-д нэгдэж, хамтдаа дэлхийг өөрчилцгөөе!

Токио олон улсын их сургууль нь дараах 3 мэргэжлээр элсэлт авдаг ба бүх хичээл нь англи хэлээр явагддаг. “Дижитал бизнес болон Инновац”, “Бизнесийн эдийн засаг”, “Олон улсын харилцаа” гэх гурван мэргэжлийн хөтөлбөртэй. Нийт оюутнуудынх нь 70 гаруй хувийг гадаад оюутнууд эзэлдэг ба олон улсын оюутнуудын хүрээлэл дунд, дэлхийн жишигт нийцсэн багш нарын удирдлага дор суралцах боломжтой гэдгээрээ онцлогтой. 1. “Дижитал бизнес болон Инновац” -Хиймэл оюун ухаан, мэдээлэл технологийг бизнест хэрхэн ашиглах. 2. “Бизнесийн эдийн засаг”-сургуулиа төгсөөд бизнесийн ертөнцөд хэрэг болох ур чадварт суралцах. 3. “Олон улсын харилцаа” сүүлийн жилүүдэд улам ээдрээтэй болж байгаа улс орон хоорондын мөргөлдөөний үндсэн шалтгааныг олох зэрэг олон улсын тавцанд идэвхтэй байх ур чадварыг эзэмшдэг.

Нагоя худалдаа, бизнесийн их сургууль (NUCB) нь 1935 онд байгуулагдсан. Сүүлийн 80 жилийн хугацаанд дэлхийн хэмжээний боловсролын байгууллага гэдгээрээ олонд танигдаж дэлхийн бизнесийн сургуулиудын зөвхөн 5%-д байдаг AACSB магадлан итгэмжлэлтэй. Японы үйлдвэрлэлийн нийслэл Нагоя хот нь үүх түүхээрээ баялаг Аичи мужид орших бөгөөд дэлхийн тэргүүлэх компаниуд энд бий. Жил бүр 300 орчим гадаад оюутнууд тус сургуульд элсэн суралцдаг бөгөөд Нишшин кампуст Хятад, Солонгос улсаас эхлээд Сингапур, Франц, Америк, Канад, Мексик зэрэг 58 гаруй орноос ирж суралцдаг. Мөн 50 гаруй улсын 150 орчим сургуулиудтай 2+2 оюутан солилцооны хөтөлбөрийг хэрэгжүүлэн ажилладаг. Сургуулийн гол зорилго нь Шинэ Ази болон бусад орнуудын хоорондын ялгааг даван гарах даяарчлагдсан сэтгэхүйтэй, өндөр ур чадвар, ёс зүйн өндөр чадамжтай удирдагчдыг бэлтгэх явдал юм.

Хёого мужийн их сургууль нь 2020 оноос эхлэн Олон улсын бизнесийн хөтөлбөр (GBC) гаргаж, тус хөтөлбөр нь Боловсролын яамны "Special Program of the Japanese Government Scholarship for Student Priority Placement"-аар сонгогдсон. GBC хөтөлбөрд оюутнууд эдийн засаг, бизнесийн удирдлагын чиглэлээр 4 жил англи хэл дээр суралцаж, дадлага хийдэг. GBC хөтөлбөр нь: * Глобал сэтгэлгээтэй, олон улсад хүлээн зөвшөөрөгдөхүйц ажиллах хүчнийг бэлтгэх. * Эдийн засаг, маркетингийн салбарын мэргэжлийн ур чадварыг эзэмшүүлэх * Олон орны оюутнуудтай хамт суралцаж олон соёлыг танин мэдэх * Оюутнуудаа Хёого мужийн амжилттай яваа томоохон компаниудад дадлага хийж, өрсөлдөх чадвараа дээшлүүлэх зорилготой. Хёого мужийн их сургууль, Нийгмийн шинжлэх ухааны сургууль, Дэлхийн бизнесийн тэнхим Энэхүү хөтөлбөрийн гол зорилго нь дэлхийн тавцанд идэвхтэй үйл ажиллагаа явуулах бизнес эрхлэгчид, олон улсын төрийн албан хаагчдыг бэлтгэхэд оршдог бөгөөд зөвхөн магистрын сургалт явуулдаг ба бүх хичээл англи хэл дээр явагддаг. Оюутнууд эдийн засаг, бизнесийн удирдлагын хичээлээс гадна олон талт байдлын дунд хүмүүстэй харилцах, бие биенийхээ ялгааг ойлгох, даяаршлын дэвшлийн нөлөөгөөр соёлын болон олон үндэстний соёл хоорондын харилцааны үнэт зүйлс, ертөнцийг үзэх үзэл, түүхэн үзэл бодлын ялгааг даван туулахад суралцаж, асуудлыг судлах, асуудлыг шийдвэрлэх чадварыг онцлон суралцах юм.

Киото дэвшилтэт шинжлэх ухааны их сургууль (Kyoto University of Advanced Science, KUAS) нь 1969 онд Киото хотод байгуулагдсан. 2020 онд шинээр инженерийн салбар сургуулиа байгуулж, оюутнууддаа мэргэжлийн болон практик сургалтын хөтөлбөрөөр дамжуулан орчин үеийн дэвшилтэт технологийн талаар суралцах боломжийг олгосон. Өдөр өдрөөр өөрчлөгдөн, шинэчлэгдэж буй нийгэмд өөрийн гэсэн үзэл бодолдоо үнэнч, мөн аливааг олон талаас нь харж чаддаг, даяаршиж буй нийгэмд өөрийн гэсэн байр сууриа олж чадахуйц ажиллах хүчнийг бэлтгэдгээрээ онцлогтой.